Gazals Quotes, often spoken by influential individuals or derived from literature, can spark motivation and encourage people to take action. Whether it's facing challenges or overcoming obstacles, reading or hearing a powerful Gazals quote can lift spirits and rekindle determination. Gazals Quotes distill complex ideas or experiences into short, memorable phrases. They carry timeless wisdom that often helps people navigate life situations, offering clarity and insight in just a few words.
નજર સામેથી ખસતો નથી એ છોકરો
લઇ ને જઈ રહ્યો છે જે
બાબા સાહેબ નો ફોટો.
જોનારા ને તો હશે :
હોસ્ટેલ છોડવા ફરજ પડાઈ રહી છે.
પણ
એતો દુનિયા છોડવા જઈ રહ્યો હતો!
કાશ.....
તંત્રે આંખ માં એની
નાખી હોત આંખ
ખભે મુક્યો હોત
હુંફાળો હાથ
ને
મંત્ર સમા
બોલાયાં હોત શબ્દ :
"બાબા સાહેબ ને વાંચવા અને ક્રાંતિ ની ચિનગારી પેટાવવી
એ કોઈ અપરાધ નથી.
પાછા વાળી દે તારા પગ."
કમ સે કમ કહેવા ખાતર ય કહ્યું હોત.
તો
જે આંગળીઓ થી સિતારાઓ ની ગાથા આલેખવી હતી
તે આંગળીઓથી
જીવનની કથા નો
અકાળે કરુણ અંત આંણ્યો ન હોત.
ને
કેટલાય સમય થી
પડછાયા બનેલા
મૂંઝવણ નાં દરિયા
એનાં હૃદય માં
ડૂબી જતાં પે 'લા
શ્વાશ બની ને છેલ્લા
તરફડયા ન હોત.
ને
વાંકુડીયા એ વાળની
સદા
મગરૂર રહેવી જોઈતી હતી
જે મા
એનું રતન
રાખ ન થયું હોત.
- દક્ષા દામોદ્રા
રોહિત વેમુલા નો જન્મદિવસ છે.
એક ભાવાંજલિ......
#RohithVemula
#gazals_timeless_emotions
#gazalspage
#Gazals
#gazalsk3k
#gazals10years
હવે શાની તમન્ના છે, હવે શાનો સવાલી છે ?
સિકંદરના જનાઝામાંથી નીકળ્યા હાથ ખાલી છે.
ભલા વિશ્વાસ શું બેસે બહુ ખંધુ હસે છે એ,
વચન આપી રહ્યા છે એમ, જાણે હાથતાલી છે.
તને ભ્રમણા છે તારી પર નિછાવર પ્રાણ સહુ કરશે,
મને છે એક અનુભવ જિંદગી સહુને વહાલી છે.
સુરાબિંદુ પડે છે તારી બેદરકારીથી નીચે,
ખબર તુજને નથી સાકી ઘણાના જામ ખાલી છે ?
તમારા રૂપની માફક કદરદાની કરો એની,
અમારી લાગણી પણ આપના જેવી રૂપાળી છે.
તમારા પ્રેમના સોગન, મદિરા મેં નથી પીધી,
વિરહમાં જાગરણના કારણે આંખોમાં લાલી છે.
મને વર્તમાનમાં લિજ્જત છે, ભાવિની નથી ચિંતા;
‘મરીઝ’ એ કારણે આખું જીવન મારું ખયાલી છે.
– મરીઝ
#gazals_timeless_emotions
#gazalspage
#Gazals
#gazalsk3k
#gazals10years
#gazal
સ્મરણમાં કોઈની ભીનાશ મારા શ્વાસ સુધી ગઈ,
પછી એ સ્હેજ જો આગળ વધી તો આગ સુધી ગઈ.
અચાનક જો મળ્યો વર્ષો પુરાણો મિત્ર રસ્તામાં,
તો, વાતો છેક બચપણમાં ભણેલા પાઠ સુધી ગઈ.
ફળિયે ડાળ મહોરીને જરા નેવે અડી ગઈ તો,
તરત ઘરમાંથી દોડીને કુહાડી ઝાડ સુધી ગઈ.
પહેલાં માણસો સૌ નીચું જોઈ ચાલતા’તા અહીં,
પછી જો પંખી ઊડતા જોયું, નજરો આભ સુધી ગઈ.
હૃદયનું બીજું પૂછો નામ તો બસસ્ટેન્ડ છે મિત્રો,
તપાસો બસ કઈ, ક્યારે ને કોના ગામ સુધી ગઈ?
~ અનિલ ચાવડા
#anilchavda #shayari #shayar #poet #poetry #gujarati #literature #gazals
ગઝલ
ગામ પાદર ઘર ગલી ઓળંગીને ચાલ્યો જઈશ,
હુંય મારા ભાગ્યની ક્ષણ જીવીને ચાલ્યો જઈશ.
છે અહીં પ્રત્યેક માણસ મોકલાયેલી ટપાલ,
હું જગત પાસે મને વંચાવીને ચાલ્યો જઈશ.
પુષ્પમાં સુગંધ મૂકી, વૃક્ષને ભીનાશ દઈ,
કોઈ પંખીના ગળામાં ટહુકીને ચાલ્યો જઈશ.
રાતના ઘરમાં પડેલું સૂર્યનું ટીપું છું હું,
કોડિયામાં સ્હેજ અમથું પ્રગટીને ચાલ્યો જઈશ.
છે સ્વજન દરિયા સમા, ના આવડે તરતા મને,
હું બધામાં થોડું થોડું ડૂબીને ચાલ્યો જઈશ.
~ અનિલ ચાવડા
#anilchavda #shayar #shayari #poet #poetry #poems #gazals #gujarati #literature #life #philosophy #love #kavianilchavda
ગઝલ
પીડાઓ પણ પામર થઈ ગઈ, કળતર સુધ્ધાં ગેંગેફેંફે,
આ વખતેની શ્રદ્ધા જોઈ ઈશ્વર સુધ્ધાં ગેંગેફેંફે.
હોય અમુક માણસ એવા કે રહેવા દો ને શું કહેવાનું !
એવા બરછટ જેની આગળ પથ્થર સુધ્ધાં ગેંગેફેંફે.
ઘાવ જોઈ અટવાઈ ગયા છે આવ્યા’તા જે ઈલાજ કરવા,
દવા બધીયે મૂંગી થઈ ગઈ, હળદર સુધ્ધાં ગેંગેફેંફે.
એ રીતે જોયું એણે કે તલવારોનું કઈ ના આવે,
પળવારે તો થઈ ગયું’તું બખ્તર સુધ્ધાં ગેંગેફેંફે.
ગુલાબ કહી દો, કહો મોગરો, બોલો કંઈ પણ બ્રાન્ડ,
એની સુગંધ આગળ લાગે અત્તર સુધ્ધાં ગેંગેફેંફે.
‘અનિલ’ ગઝલ આ સંભળાવીને તેં બહુ મોટા લોચા માર્યા,
શ્રોતાઓ છે સાવ અવાચક, શાયર સુધ્ધાં ગેંગેફેંફે.
– અનિલ ચાવડા
#anilchavda #shayar #shayari #poet #poetry #gujarati #literature #gazals
ઘરની બ્હાર નીકળવામાં બહુ જોખમ છે;
મળવું છે પણ મળવામાં બહુ જોખમ છે.
થોડા દાડા અભણ રહો તો શું વાંધો છે?
ગણિત સ્પર્શનું ભણવામાં બહુ જોખમ છે.
એટલે જ સૌ તળાવ થઈને બેસી ર્યા છે,
નદી જેમ ખળખળવામાં બહુ જોખમ છે.
ગમ્મે ત્યારે ગમ્મે ત્યાંથી ગ્રહણ લાગશે,
સૂરજ થઈ ઝળહળવામાં બહુ જોખમ છે.
~ અનિલ ચાવડા
#aboutcorona #coronavirus #corona #virus #poem #shayari #shayar #anilchavda #gazals #literature #gujarati #kavianilchavda
