મારો આવનાર સમય હર સવાલનો જવાબ હશે;
દુનિયા પણ જોતી રહેશે એટલો લાજવાબ હશે;
ધૈર્ય ધરીને થોડો ઇંતેજાર કરજો મિત્રો કારણ કે,
મારા જેમ જીવન જીવવું એ ધણાનું ખ્વાબ હશે;
અત્યારે છોને છવાયાં હોય દુઃખોના કાળા વાદળ,
જરા હટવા દો એને પછી ઘરમાંય આફતાબ હશે;
ભલેને સમજતા હોય એ મને સાવ કાચી માટીનો,
આવતા દિવસોમાં મારો કંચન સરીખો રૂઆબ હશે;
એક બે ફકરામાં છપાઈને મારે શું કરવું છે? "વ્યોમ"
ધીરજ ધરજો મારા નામની પણ પૂરી કિતાબ હશે;
...© વિનોદ.મો.સોલંકી"વ્યોમ"
GETCO (GEB)
મુ. આદિપુર (કચ્છ)
