પકડીને આંગળી ક્યાં સુધી ચાલશું ?
અમે તો જીંદગી છૂટા હાથે
માણશું..
પિંજરુ આંગણાનું બંધ ક્યાં સુધી રાખશું ?
અમે તો પાંખો ફેલાવી આકાશને
આંબશું..
આભમાં ટોળે વળી વાદળીને ક્યાં સુધી તાગશું ?
અમે તો વાદળીની પાંખને આંખથી માપશું..
છે સફર જીંદગીની આકરી ક્યાં સુધી નાસશું ?
અમે તો જીંદગીને મોજથી જીવી જાણશું..
મૌન છલકે આંગળીના ટેરવે ક્યાં સુધી છુપાવશું ?
અમે તો આંખોથી આંખોની વાત સમજાવશું..
ઘાવ દિલના ખોતરી ક્યાં સુધી રૂઝાવશું ?
અમે તો લાગણીને વાઢી, કાપી, દફનાવી પત્થર થઈ ચાલશું..