શું કહું દોસ્તો મનને હું મારી મારીને જીવું છું;
જીવનની સફરમાં વિચારી વિચારીને જીવું છું;
ડામ મળ્યા ઘણા કહેવાતા પોતાના સબંધોથી,
હવે હર સબંધ સાથે હું ઠારી ઠારીને જીવું છું;
જીતેલી બાઝીથી પણ ન હરાવી શક્યા જ્યારે,
એ દિલની હર બાઝી હું હારી હારીને જીવું છું;
મર્યા પછી કોઇ તરે છે એની કોને અહીં ખબર?
હું ખૂદને રોજ થોડું થોડું તારી તારીને જીવું છું;
ના છું બાઈ મીરાં કે નથી હું કાંઇ શંકર "વ્યોમ"
છતાં ઝેરનો હર ઘૂંટડો હું ગાળી ગાળીને પીવું છું;
..© વિનોદ.મો.સોલંકી "વ્યોમ"
GETCO (GEB)
