તારી આંખોમાં હું ખોવાયેલો છું,
હું મારા એક હાથે મુકાયેલો છું.
મંદિર, મસ્જિદમાં ન શોધ મને,
ભીતર જો હું ત્યાં સમાયેલો છું.
તમે જેને સભ્ય સમાજ કહો છો,
આ સમાજને હાથે ચુથાયેલો છું.
નથી કરી શકતો હું ખિદમત તેની,
સત્ય અને ન્યાયથી ગૂંથાયેલો છું.
અન્યાય સામે અવાજ મારો હશે,
એ પથ પર પણ હું પથરાયેલો છું.
કર્મના સિદ્ધાંત સરખા છે સૌ માટે,
તેથી હું ભીલના બાણે ઘવાટેલો છું
હું પણ આપી શકું છું ગાળ તમને,
મનોજ સંસ્કારમાં હું બંધાયેલો છું.
મનોજ સંતોકી માનસ