स्वप्नांची या पहाट फुलावी
भविष्याची चिंता नसावी
आयुष्याला नवी दिशा मिळून
स्वप्ने सारी पूर्ण व्हावी
स्वप्नांची या पहाट फुलावी
आशेच्या उगवत्या सूर्याला
तेजाच्या किरणांची मग
साथ मिळावी
स्वप्नांची या पहाट फुलावी
अंधारलेल्या जीवनात
आनंदाची एक लाट उसळावी
दिशाहीन आयुष्याला मग
प्रकाशाची वाट मिळावी
आनंदाने फुलावे आयुष्य
नसाव्या कुठल्याही कटकटी
भेदरलेल्या डोळ्यांना मग
मुक्ततेची आस मिळावी
@Dhanashrikaje
