દરારો દિવાલોમાં હશે તો પૂરાઈ જશે,
જ્યારે એ સંબંધોમાં પડે ત્યારે ???
કરાર તો ડગલે ને પગલે કરવા જ પડે,
સંબંધોમાં જો કરાર કરવા પડશે ત્યારે ???
સરરર હવા સરકતી વહે આ સુંદર સૃષ્ટિ મહીં,
સંબંધોની ગાંઠ હાથથી સરકતી જશે ત્યારે ???
અરરર ક્યાંય જ ભૂલ નહોતી આપણી કે એની,
એ ભૂલોની જ કેડી પર ચાલવાનું થશે ત્યારે ???
સંબંધોના તાર અદ્રશ્ય હોય છે દોસ્તો,
એ તાર કટાઈને નફરતનો કાટ લાગશે ત્યારે ???
મળો નહીં તો વાંધો નહીં ચલાવી લેશું અમે,
પણ, આ શ્વાસ શરીરનો સાથ છોડશે ત્યારે ???
બાકી રહેલી ફરિયાદ તું અત્યારે જ કરી જા ,
બાકી મનના ખૂણામાં મને ક્યારેક યાદ આવીશ ત્યારે ???
શિતલ માલાણી "સહજ"
૩૦/૫/૨૦૨૧
જામનગર