❣️સુખ❣️
************
તારા એ હસમુખા ચહેરાને હસતો રાખીશ,
તારા હોઠો પર સદાય નામ મારું રાખીશ..
આંખો રહેશે ચમકતી મને રોજ જોઈને,
મારા ઘરનું સરનામું એટલું તારી નજીક રાખીશ..
એકલતાને તારી પાંજરામાં પૂરીને રાખીશ,
ચા સાથે વાતોમાં મીઠાશ ભરપૂર આપીશ..
જીવન નહીં લાગે બોજ હવે જરાય તને,
બસ લાગણીઓ એટલી ભરપૂર આપીશ..
સપનાનોમાં તારા તને હેત ભરપૂર આપીશ,
નીંદર ઉડાવી તારી તને યાદો મારી જ આપીશ..
મલકાશે ચહેરા સાથે હૈયું રોજ તારું,
જયારે શરીરની સાથે આત્માને સુખ આપીશ..
મારી કવિતાઓમાં તને પ્રેમની વાછટ આપીશ,
સુખ મળશે તનેય જયારે તું દિલથી મને અપનાવીશ..
ખૂટી પડશે શબ્દો પણ જતાવવા લાગણીઓ,
અનહદ હેતથી તને જીવનમાં એ સુખ આપીશ..
***
❣️ ઈરફાન જુણેજા "ઇલ્હામ" ❣️
(અમદાવાદ)
