તારી ચિંતામાં અને તને મદદની દોડાદોડ કરવામાં,
મા ! મારાથી ખબર નઈ કઈ ભૂલ થઈ ગઈ ?
મા ! એ ભૂલ મને કહી પણ નઈ ?
બસ મને સીધો છોડી જ દીધો !
મા ! મને એ ભૂલ માટે માફી પણ માગવા નઈ દીધી !
મા ! એ ભૂલ સુધારવા લાયક પણ ના છોડ્યો ?
તારા માન માટે રોજ તને પગે પડવાનું મન થાય મા !
પણ તારી હાજરીનો અહેસાસ ધૂંધળો થતો જાય છે !
તારા એક આશીર્વાદ માટે રોજ કોઈ ઉપાય શોધું છું.
બસ તારા ફોટામાં તારા હોવાનો અનુભવ કરું છું.
તારું માન નઈ જાળવી શક્યો, પણ પ્રયાસ કર્યો મેં !
તું પીડામાં છો ! તારી સેવાની બસ એક તક આપ મને !
તારા દીકરા હોવાનો અધિકાર આપ મને !
તને મા કહી શકું એ અધિકાર આપ મને !
તને પીડાથી કઈ રીતે ઉગારી લઉં માર્ગ બતાવ મને !
મા ! તું તો મારી મા છો ને ! માફ કરી દે ને મને !
- તારો બચ્ચો
( આચાર્ય જિજ્ઞાસુ ચૌહાણ)
#લાલીમા