"ટેન્શન નહીં લેને કા..."
ટાઈટલમાં લખેલી આજની આ લાઈન ભર ઉનાળામાં પણ પરીક્ષાના ડરને કારણે થથરી રહેલા વિધાર્થીઓ માટે જ છે.એવા વિદ્યાર્થીઓ માટે છે જે બોર્ડની પરીક્ષાની ડેટ નજીક આવતા જોઈને ટેન્શનનો શિકાર બની રહ્યા છે.કોઈએ ક્યારેક વિચાર્યું છે કે, "સત્તર કે ચૌદ વર્ષના બાળકમાં આ ટેન્શન આવે છે ક્યાંથી...??"
વિધાર્થીને ટેન્શન આપનાર બીજું કોઈ નહીં પણ આપણે જ છીએ.આજુ બાજુ રહેલા લોકો જ્યારે એમ કહે કે, તું દસમા ધોરણમાં છે ,"તારે બોર્ડ છે,જોજે ક્યાંક ફેલ ના થઈ જવાય..." વગેરે જેવા વાક્યો સાંભળીને વિધાર્થી બિચારો ટેન્શનમાં ના આવે તો શું કરે...?? મને આજ સુધી સમજાતું નથી કે,પરેન્ટ્સ એમના બાળકની બોર્ડની પરીક્ષાને લઈને આટલા બધા સિરિયસ કેમ થઈ જતા હશે ?? બાળકને એકવાર એની રીતે હેન્ડલ કરવાની તક તો આપો યાર. એને એની જાતે જ પરીક્ષાને એન્જોય કરવા દો.એ કોઈ જગ્યાએ અટકે છે અથવા છટકે છે ત્યારે એને સમજાવો કે શું સાચું છે શુ ખોટું છે.સમજાવા અને સમજવાની પણ એક રીત હોય છે.એ કેળવવી ખૂબ જરૂરી છે.
આ તો માત્ર બોર્ડની સામાન્ય પરીક્ષા છે.આના જેવી તો જિંદગીમાં કેટલીય પરીક્ષાઓ આવશે.પેરેન્ટ્સ જ બાળકને ટેન્શન આપ્યા રાખશે તો બાળક પરીક્ષાને હેન્ડલ કરતા ક્યારે શીખશે ?? પરીક્ષા જીવનનો એક ભાગ છે.મનુષ્યએ આજીવન પરીક્ષા આપતા જ રહેવાનું છે.તમારા બાળકને પરીક્ષા આપવા માટે તૈયાર કરો.નહીં કે સારા માર્ક માટે. તમારા બાળકને શીખવો કે, "પરીક્ષા એક ઉત્સવ છે તારે એ ઉત્સવને બને એટલી સુંદર રીતે ઉજવવા માટે પ્રયત્ન કરવાનો છે."
બાળકને ટેન્શન નહીં આપવાનું એનો એવો જરાય મતલબ નથી કે,"પેરેન્ટ્સએ જ બધું ટેન્શન લઈને ફરવાનું." તમારા બાળકને 90% જ આવવા જોઈએ એવી અપેક્ષા રાખવાનું છોડી દેવું જોઈએ. હા,માતા -પિતા તરીકે બાળક પાસેથી અપેક્ષા રાખવી એ તમારો હક છે પણ બળજબરીથી અથવા ગોખણપટ્ટીથી ક્યારેય સારા માર્ક આવતા નથી.દરેક બાળક એની ક્ષમતા પ્રમાણે પ્રયત્ન કરતો જ હોય છે. માટે તમારા બાળકમાં રહેલી ક્ષમતાને જાણો અને એને પ્રોત્સાહીત કરો.બાકી ટેન્શનને કહી દો ટાટા ,બાય -બાય.
છેલ્લે દિલથી કહું તો એક ગીત યાદ આવે છે :
રિમેમ્બર કર લે, જો ડૂબે વહી હોતા હૈ પાર
હર નજર કી યહાં પે સોચો,એક મંઝીલ હી હૈ
મોકા મિલે તો ખોના નહીં,કી આયેંગા ના યે બાર બાર
ધક્કા માર ઝરા જોર સે ધક્કા માર
- SHILPA PARMAR "SHILU"