મોજ શોખ પૂરા કરવામાં એ સમણું ચોરાઈ ગયું;
સ્વાર્થમાં સૌ ડુબ્યા તો ડાબું-જમણું ચોરાઈ ગયું;
વર્ષામાં ખીલ'તી હરીયાલી અને મહેકતી'તી માટી,
આધુનિકતાની લ્હાયમાં એજ ગામડું ચોરાઈ ગયું;
જે આંગણામાં હસતા ને રમતા મિત્રો સાથે મળી,
શહેરની મોહમાયામાં એજ આંગણું ચોરાઈ ગયું;
પશ્ચિમી સંસ્કૃતિની પાછળ મૂકી છે આંધળી દોટ,
ને ખોટા અનુકરણમાં માથેથી છાપરૂં ચોરાઈ ગયું;
આઝાદીના નામે થતા જાય છે પોતાનાઓથી દૂર,
ધડકતુ'તું દિલ જેના માટે એ આપણું ચોરાઈ ગયું;
સુખ દુઃખમાં રહેતા'તા એકબીજાની સાથે "વ્યોમ"
બંધ થૈ હવે મળવી હૂંફ ને એ તાપણું ચોરાઈ ગયું;
...✍️વિનોદ. મો. સોલંકી "વ્યોમ"
GETCO (GEB)
