થોડું તો થોડું પણ એ આપે છે જરૂર;
મોડું તો મોડું પણ એ આપે છે જરૂર;
કીડીને કણ ને હાથીને મણ મળેજ છે,
ભાણું તરભાણું મનુને આપે છે જરૂર;
આપવું છે ઝરણ ને ઊભો લૈ ચમચી,
ફોરું તો ફોરું પણ એ આપે છે જરૂર;
વાંસળી બનાવાની છે આવડત તુજમાં,
પોલું તો પોલું પણ એ આપે છે જરૂર;
દેખાડી છે મંઝિલ તો પહોંચાડવા તને,
ઘોડું તો ઘોડું પણ એ આપે છે જરૂર;
નથી હોતાં નસીબ દરેકના ચમકીલા,
ડોળું તો ડોળું પણ એ આપે છે જરૂર;
લખવા તારા ભાગ્ય જાતે તને કાગળ,
કોરું તો કોરું પણ એ આપે છે જરૂર;
નથી બનાયા ચતુર દરેકના મન "વ્યોમ"
ભોળું તો ભોળું પણ એ આપે છે જરૂર;
...✍️વિનોદ. મો. સોલંકી "વ્યોમ"
GETCO (GEB)