શીર્ષક:અખિલ બ્રહ્માંડમાં એક તું માંદગી
"અખિલ બ્રહ્માંડમાં એક તું માંદગી,
જૂજવે રૂપે અનંત ભાસે;
શિયાળે શરદી તું,ઉનાળે અપચો તું,
ચોમાસામાં મલેરિયા થઈ શરીરમાં વસે.
અખિલ બ્રહ્માંડમાં એક તું માંદગી...
ડેન્ગ્યુ તું,કોલેરા તું,ઉલટી તું,ઉકરાટા!
કોરોના થઈ વધી રહ્યો ભારતે;
ઉછીના પૈસા લીધા તને મટાડવાને,
રોગીમાંથી ઉધારી થયો એ જ આશે.
અખિલ બ્રહ્માંડમાં એક તું માંદગી...
ડોકટર એમ વદે, રિપોર્ટ બધા શાખ દે:
હોય-ન હોય વિશે ભેદ ન્હોયે;
સરકારી ખાનગીના ખર્ચા હોય જૂજવાં,
અંતે તો આપણને જ કોરોના હોયે.
અખિલ બ્રહ્માંડમાં એક તું માંદગી...
ચીને ગરબડ કરી,વાત નવ કરી ખરી,
દુનિયા આખી આજે એને ભાંડે;
મન-વચન-કર્મથી ના ચીન માની લહે:
અસત્ય છે એ જ એમ ચીનને સુઝે.
અખિલ બ્રહ્માંડમાં એક તું માંદગી...
દવાખાનામાં ખર્ચ તું,ખર્ચમાં દવાખાનું તું,
જોઉં પટંતરો એ જ પાસે;
ભણે પ્રથમ એ આવક તણી શોધના,
ધૈર્ય ધરું,રસી પ્રગટ થાશે.
અખિલ બ્રહ્માંડમાં એક તું માંદગી..."
