જિંદગી જીવવા રોજ મરવાનું પણ કેટલું,
જીતવા હર એક જંગ લડવાનું પણ કેટલું;
લગીર હસવા કાજ રડવાનું પણ કેટલું,
મહેચ્છાઓ પુરી કરવા ખુદ ખરવાનું પણ કેટલું;
પ્રકાશિત કરવા જગને જાતને જલવાનુ પણ કેટલું,
પાંખ પસારી ઉડવા પડવાનું પણ કેટલું;
ગમતું ગુલાબ ચૂંટવા કષ્ટ સહેવાનું પણ કેટલું,
સાવ ઉજ્જડ રણમાં ઉગવાનું પણ કેટલું;
ખુદને ભૂંસી નાખી અન્યને લખવાનું પણ કેટલું,
મરી મરીને આમ જ જીવવાનું પણ કેટલું;
જિંદગી જીવવા રોજ મરવાનું પણ કેટલું....
