સ્વયં- પ્રકાશિત
એક વિકરાળ પહાડે મને પૂછ્યું,કોણ છે તું?
પહાડમાંથી વહેતાં ઝરણાંએ મારા કાનમાં કહ્યું ; 'વહેતા નીર છીએ આપણે'.
ધગ-ધગતી ધરતીએ મને પૂછ્યું, કોણ છે તું?
તેમાંથી વિકસતા છોડવાએ મારા કાનમાં કહ્યું ; 'નવી સૃષ્ટિ છીએ આપણે'.
હાફતાં, દોડતાં સમયે મને પૂછ્યું, કોણ છે તું?
ખરતાં તારાએ મારા કાનમાં કહ્યું ; 'થંભી ગયેલી ક્ષણ છીએ આપણે'.
ખુલ્લાં આકાશે મને પૂછ્યું, કોણ છે તું?
તેમાં ઉડી રહેલા પંખીએ મારા કાનમાં કહ્યું ; 'ઉંચી ઉડાન છીએ આપણે'.
ઊંડા દરિયાએ મને પૂછ્યું, કોણ છે તું?
કિનારાને અડકતા, ટકરાતા મોજાએ મારા કાનમાં કહ્યું ; 'તરંગીત લહેર છીએ આપણે'.
હવાના પડઘાએ મને પૂછ્યું, કોણ છે તું?
ધ્વનીએ મારા કાનમાં કહ્યું ; 'સંગીતના સુર છીએ આપણે'.
પૂનમનાં ચંદ્રમાએ મને પૂછ્યું, કોણ છે તું?
અંધકારમાં ટમટમી રહેલા આગીયાએ મારા કાનમાં કહ્યું ; 'સ્વયં- પ્રકાશિત છીએ આપણે'.
#પ્રકાશ