કવિ શ્રી રમેશભાઈ પારેખ દ્વારા લખાયેલ પ્રેમની લાગણીઓને તરબતર કરી નાખે તેવી સુંદર મને અંગત રીતે બહું જ ગમતી એવી કવિતા "ન મોકલાવ".
આંખોમાં આ રીતે દ્રશ્યો ન મોકલાવ,
ખાલી થયેલ ગામમાં જાસો ન મોકલાવ,
ફૂલો ય પૂરબહારમાં હિંસક છે આજકાલ,
રહેવાદે તું મને ગજરો ન મોકલાવ,.
તું આવ કે પાડી રહ્યો છું હું સાદ તને,
પહાડોની જેમ ખોખરો પડઘો ન મોકલાવ,
ખાબોચિયું જ આમ તો પર્યાપ્ત હોય છે,
હોડી ડુબાડવાને તું દરિયો ન મોકલાવ,
થોડોક ભૂતકાળ મેં આપ્યો હશે કબૂલ,
તું એને ધાર કાઢીને પાછો ન મોકલાવ.
- કવિશ્રી "રમેશ પારેખ"
