ગાલગા ગાલગા ગાગા ગાગા
આંખ પણ એકધારી જાગે છે,
સ્વપ્ન કાજે બિચારી જાગે છે.
ભીંત ને તો ફરક ક્યાં છે કોઈ!
વાટ જોવા જો બારી જાગે છે.
આંસુઓ ને વહાવી થાકેલી,
આંખ નીચે અટારી જાગે છે.
રાત જાણે વિજોગણ કામિની,
એકલી એ નઠારી જાગે છે.
પાંપણો પર વજન છે શામાટે?
નીંદ પણ એ વિચારી જાગે છે.
હું ઉલેચું છું મદિરાલય આજે,
રાહમાં ઘેર પ્યારી જાગે છે.
પિયુની વાટે નિરખવા માટે જ,
ઘૂંમટા ની કિનારી જાગે છે.
ભાવેશ પરમાર "આર્યમ્"
(તરહી)
