શ્રાવણની હળવી હેલી છે કે એ તું છે?
ગલગોટો, ચંપા, ચમેલી છે કે એ તું છે?
જ્યાં જ્યાં જોયા જેને જેને જ્યારે જ્યારે
મેં એક જ વાત કહેલી છે કે એ તું છે.
ટોળામાં સઘળાં ચહેરા સરખાં લાગે છે
એ તારી કોઈ રેલી છે કે એ તું છે?
તારા કરતાં પણ સુંદર તુજને ધારી છે,
એ તારી ખાસ સહેલી છે કે એ તું છે?
કૂણાં કૂણાં મુખડા જોઈ કાબૂ રાખું...
હા! ભાન નથી એ પેલી છે કે એ તું છે!
વેલાં રસ્તામાં આવે તો ચૂમી લઉં છું,
મારી ઈચ્છાઓ મેલી છે કે એ તું છે?
હર દિલમાં કોઈ ને કોઈનો વાસો છે
'પગુ'ની કિસ્મત ચમકેલી છે કે એ તું છે.
- પ્રજ્ઞેશ નાથાવત 'પગુ'
