#kavyostav
#kavyostav
Topic:-Plastic ki hasee(Bhavnaiye)
Uss tadakhti dhoop mai khelna
Apne rules khood banana
“1 tappi catch out”
Aur woh galli ke cricket match
Jeet jaane wali khusi
N jaane voh hasee kaha chali gayi
Voh ladna jagdana
Voh katti wali batti
Aur voh dusre din dosti wali khusi
N jaane voh hasee kahan chali gayi
Voh raaste pe naagin dance
Voh pipe ke paani ke favare bana ke uss pani mai bhigne aur bhigane wali khusi
N jaane wih hasee kaha chali gayi
Voh pakda pakdi ka khel
Voh dabba dabba express wali masti
Voh lukka chuppi wali khushi
N jaane voh hasee kaha chali gayi
Voh statue khelte vakt
Khud out hone par
Kuch nakhre karke
Kisi aur ko out karane wali khusi
N jaane woh hasee kaha chali gayi
Voh cycle sikhte sikhte
Hum gir padte
Girte girte hum uthna sikhe
Uththe Uththe hum badhna sikhe
Badhte badhte hum muskuraana hi bhul chuke
Hum dil kholkar hasna hi bhul chuke
Yaad nahi hai woh din jab hum aakhri baar dil kholkar hasee the
Aur aj hum haste hai
Toh kisike gareebi par
Toh kisike girne par
Toh kisike lachar hone par
Aur sayad hum issi hasee ki vajah se khudko badha samjane lage
ISS TECHNOLOGY KI DUNIYA MAI ABB SIRF PLASTIC KI HASEE HI MILTI HAI
#kavyostav
#kavyostav