ધોમધખતા તાપમાં ફરતો રહ્યો તારા શહેરમાં,
તારી ગલીમાં તને શોધતો રહ્યો તારા શહેરમાં.
ખોવાય છે કઈક સપનામાં કાસ એ મળી જાય,
ટુકડા અરમાનના વિણતો રહ્યો તારા શહેરમાં.
તારા શહેરની હવા પણ ક્યાં રહી છે ગુલાબી,
વંટોળની ધૂળને હું ચુમતો રહ્યો તારા શહેરમાં.
ખુશનુમા વાતાવરણ હવે ભૂતકાળ જેવું લાગે,
બિહામણા રૂપ હું જોતો રહ્યો તારા શહેરમાં.
એ રસ્તા, એ નદી, એ બાંકડા, એ ચાની લારી,
ક્ષણ ક્ષણ ત્યાં હું ખોવાતો રહ્યો તારા શહેરમાં.
કરમાયેલ ફૂલો મને જોઈ ને આંસુ સારી રહ્યા,
મનોજ એ આંસુને લૂછતો રહ્યો તારા શહેરમાં.
મનોજ સંતોકી માનસ
