'અનરાધાર'
પ્રેમના પ્રતિક સમી પ્રિયા આપણી કહાની
તુજ વિણ એકલતા સતાવે ભેંકાર પ્રિયે,
જેમ બંસી વિના તડપે પેલો ક્રિષ્ન કાન
તડપુ હું તારી યાદમાં દિવસ અને રાત પ્રિયે,
મૌસમ વીત્યા કંઈ તોયે હું તારી રાહ તકુ
તારા વિરહની વેદના જેમ રાતનો અંધકાર પ્રિયે,
તારા સંગાથ વિના હું થયો નિરાધાર
શોધું તુજને હું પુર, ધરા ને સંસાર પ્રિયે,
વીતી જાયે અણમોલ આ જિંદગાની તુજવિણ
હૈયું તરસે દર્શન કાજે નૈન રુએ ચોધાર પ્રિયે,
તું જ મારી જિંદગી ને જીવનનો આધાર
હવે તો આવી જા વરસી જા અનરાધાર પ્રિયે.