શીર્ષક - "એક છત્રી નીચે"
હું અહીં, તું તહીં કેવી વસમી હતી એ દૂરી?
એમાં ને એમાં વાત રહી ગઇ હતી અધૂરી;
ભીંજાયાં વિના પાસે કેમ આવવું વરસાદમાં?
વાત કરવા પણ નજદીક આવવું હતું જરૂરી;
ધન્યવાદ જેટલો કરું તારો ઓછો છે મેઘા,
પડખે આવવાની ઇચ્છા છત્રીએ કરી પૂરી;
ખુલ્લીને વાત તું કહે, થોડું હુંય દિલ ખોલું!
તારા મારા વચ્ચે હવે ના રહે કોઈ મજબૂરી;
શિકાયત હશે ઘણીય એકબીજાથી "વ્યોમ"
ભૂલીને એ બધું ચાલ જિંદગી કરીએ મધુરી;
...© વિનોદ.મો.સોલંકી "વ્યોમ"
GETCO (GEB),
મુ. રાપર, રહે - આદિપુર (કચ્છ).
