શીર્ષક - "આખી રાત"


જાગતો રહ્યો આભમાં ચાંદ આખી રાત;
અમને તડપાવે એમની યાદ આખી રાત;

આજ જરૂર આવશે મળવા એ સ્વપ્નમાં,
હૃદયમાં રહ્યો એ જ ઉન્માદ આખી રાત;

ભીંજાયું મન એના આગમનની આશમાં,
ને વરસતો રહ્યો છે વરસાદ આખી રાત;

જાગતી રહી છે આંખો એમને સત્કારવા,
પડઘાયો છે ભીતરે કોઇ સાદ આખી રાત;

પતંગા સળગ્યો હસતાં એક તરફી પ્રેમમાં,
રહ્યો બસ શમાનો ઝગમગાટ આખી રાત;

"વ્યોમ"ની તલબ દેખી લ્યો મિલન કાજે,
ધરા પર વરસ્યો મુશળધાર આખી રાત;


...© વિનોદ.મો.સોલંકી "વ્યોમ"
GETCO (GEB),
મુ. રાપર, રહે - આદિપુર (કચ્છ).

Gujarati Poem by વિનોદ. મો. સોલંકી .વ્યોમ. : 111817868

The best sellers write on Matrubharti, do you?

Start Writing Now