Gujarati Book-Review videos by VANDE MATARAM Watch Free

Published On : 04-Jul-2022 02:54pm

682 views

"કરુણા-1",

કૉમેન્ટ બોક્સમાં લિંક છે.

કરુણાને લઈને હોસ્પિટલ આવ્યા.ત્યાં સુધી એ બેભાન જ હતી.ડોકટરે તેની તપાસ કરી.પાણીની છાંટ નાખતા તેને હોશ આવી ગઈ.તે હલવા લાગી. તરત જ ડોક્ટરે એક બોટલ ચડાવી કરુણાને.

ડોક્ટરે પૂછ્યું કે કશું થાય છે???કરુણાએ પોતાની નજર સામે ડોકટર જોયા.એ હલવાનો પ્રયત્ન કરતી હતી કે ડોકટર બોલ્યા તું હોસ્પિટલમાં છો.તને કશું થાય છે???

તેણે માત્ર માથું હલાવીને ના પાડી.

ડોક્ટરે મિતાંશને કહ્યું ચિંતા કરવાની કોઈ જરૂર નથી.ઘણા બધા લોકો દુનિયામાં એવા હોય છે કે જે એકસાથે બહુ બધું બ્લડ જોઈ શકતા નથી.જેને કારણે તેને ચક્કર આવી જતાં હોય છે.શક્તિનો બાટલો ચડાવી દીધો છે પછી તમે ઘેર જઈ શકો છો.ત્યાં સુધીમાં તમે પેમેન્ટ કરી ફ્રી થઈ જાવ.

ડોક્ટર જતા રહ્યા.

કરુણા એ જોયું તો તેની સાથે જીયા,નિરાલી, મિતાંશ વૈભવ, રાહુલ બધા જ છે.

મિતાંશે ધીમેથી કરુણાની ચિંતા કરતા પૂછ્યું કરુણા હવે તને કેમ લાગે છે?ચક્કર આવે છે? કશું થાય છે? જો કશું થાય તો તરત જ કેજે અમે ડોકટરને બોલાવી લાવીએ.

કરુણા એ માત્ર માથું હલાવ્યું એ કશું ના બોલી.

મિતાંશ કરુણાની સામે એકધારો જોઈ રહ્યો.કરુણાએ પોતાની નજર ફેરવી લીધી.જીયા અને નિરાલી એકબીજાને કોણી મારી રહી.સાથે-સાથે મિતાંશ અને કરુણા સામે જોઈ રહી.

વૈભવ અને રાહુલ, જીયા અને નિરાલી સામે જોઈને હસી રહ્યા.સામે એટલા જ નખરા સાથે જીયા અને નિરાલી પણ તેની સામે જોઈને હસી રહ્યા.

એ ત્રણેય છોકરા બહાર નીકળી ગયા.

મિતાંશ,રાહુલ અને વૈભવ બહાર લોબીમાં આંટા મારી રહ્યા.મિતાંશ બોલ્યો હવે કશું કરુણાને ન થાય તો સારું નહિતર....એ ચૂપ થઈ ગયો.

વૈભવ મિતાંશના ખભા ઉપર હાથ મૂકીને બોલ્યો તું આટલી બધી ચિંતા કરમાં.કરુણાને કશું નહીં થાય.પછી એ મિતાંશની મજાક ઉડાવતા બોલ્યો તને કરુણાની ચિંતા કેમ થાય છે??

મિતાંશ, વૈભવ સામે જોઇને બોલ્યો આ કોઈ મજાકનો ટાઈમ નથી.આમ અચાનક જ ચક્કર આવી જવા,પડી જવું,બેભાન થઇ જવું એ કોઈ નાની બાબત નથી.

રાહુલ મિતાંશની મજાક ઉડાવતા બોલ્યો બેશક કોઈ નાની વાત નથી.પરંતુ કરુણાના બેભાન થવાથી આપણને શું ખબર પડે છે?એ કોઈ આપણી ફ્રેન્ડ નથી.બીજું એ સેકન્ડ યર સ્ટુડન્ટસ નથી.ત્રીજુ એ તારી ગર્લફ્રેન્ડ પણ નથી.

મિતાંશ ગુસ્સો કરતા બોલ્યો વૈભવ અને રાહુલ તમે બંને નહીં સુધરો.કોઈ પણ સંજોગોમાં નહીં સુધરો. વૈભવ અને રાહુલે સામસામે તાળી મારીને હસવા લાગ્યા.

જીયા કરુણાની મજાક ઉડાવતા બોલી કરુણા તને લઈને અહીં મિતાંશ આવ્યો છે.એમ પણ તું જ છુપાઈ- છુપાઈને મિતાંશને કોલેજમાં બહુ જોયા કરતી.

કરુણા આંખો નાની કરી બોલી તું મને આવું કઈ રીતે કહી શકે?? મિતાંશ તો ચોકલેટી બોય છે.તેને કોલેજની બધી છોકરીઓ છુપાઈ-છુપાઈને જુએ છે.તો હું જોવ એટલે તારે મારી મજાક ઉડાવવાની કોઈ જરૂર નથી...તે હુકમ કરતા બોલી.


નિરાલી કરુણાનો હાથ પકડીને બોલી બધી છોકરીઓ મિતાંશને છુપાઈ- છુપાઈને જુએ છે.પરંતુ મિતાંશે તું જ્યારે બેહોશ થઈને પડી જતી હતી ત્યારે પોતાના હાથથી પકડી.તને ઉપાડીને 108 માં બેસી તને અહીં ઉપર સુધી તેડીને લાગ્યો છે.

હાલ લોબીમાં આંટાફેરા મારે છે.તારી ચિંતા કરે છે.કંઈક કાળું છે.


જિયા બોલી કંઈક કાળું નથી.આખેઆખી દાળ જ કાળી છે.

કરુણા ગુસ્સો કરતાં બોલી માય ગોડ.તમે બંને નહીં સુધરો.

હું તમને બંનેને અચૂક યાદ રાખવાની બાબત કહી દઉં છું.


કૉમેન્ટ બોક્સમાં લિંક છે.

1 Comments

VANDE MATARAM videos on Matrubharti
VANDE MATARAM Matrubharti Verified 2 year ago

"કરુણા-1", ને પ્રતિલિપિ પર વાંચો :,

https://pratilipi.page.link/bvpVnmhWmMGW3h3Y9