સ્વરચિત -લો ગમે તો કહો ગમી -
************* ********** *********
પહેલા તો એ આશા બંધાવશે,
પછી જીવન ભર ટાટળાવશે!
તદ્દન નાની ક્ષુલ્લક વાતો સારું,
મંદિર મંદિર અમથું ભટકાવશે!
નહીં મળે, નહીં દેખાય, અદ્રશ્ય,
છતાં છે એવો ભ્રમ જળવાવશે!
અહંકાર તો જુઓ એનો કેટલો,
તને ડરતો રાખવા કેર વરતાવશે!
ખુદ રૂપાળા દેખાવું એને પણ ગમે,
નિત્ય નવા એ શણગાર સજાવશે!
વખાણ તો વ્હાલા એને પણ હો કે,
સહુને કરી ટોળું સ્તુતિ ગવડાવશે!
નથી જુદો એ, ભટ્ટજી જાણી લે,
અણી ટાણે એ નક્કી રખડાવશે!
#મેહુલ_ભટ્ટ (20.5.22)
