શીર્ષક - "કફનને સંભાળતાં ગયાં"
અરમાન ખૂદનાં અમે બાળતાં ગયાં;
જવાબદારીઓ વચ્ચે ટાળતાં ગયાં;
કોણ છે આપણું ને કોણ છે પરાયું?
લાગણીની ગળણીમાં ગાળતાં ગયાં;
સબંધો થયા ખાનગી નોકરી સમાન,
પરાણે તો પરાણેય નિભાવતાં ગયાં;
અમને ના મળી વફાદારી તો શું થયું?
એમની બેવફાઈને પણ ચાહતાં ગયાં;
ભીડમાં તો હસી લઈએ દોસ્તો સાથે,
ને એકલતામાં પોતાને મનાવતાં ગયાં;
અમે તો ગઝલ લખી'તી એમના સારું,
ને એ જૂઠી દાદ પણ ના આપતાં ગયાં;
જીવનના તે કેવા મોડ પર લાવી દીધા?
ના તો રડતાં ગયાં કે ના હસતાં ગયાં;
ડગમગાણાં કદમ મસાણમાં તો "વ્યોમ"
કબરની અંદર કફનને સંભાળતાં ગયાં;
...© વિનોદ.મો.સોલંકી "વ્યોમ"
GETCO (GEB),
મુ. રાપર, રહે - આદિપુર (કચ્છ).
