શીર્ષક-"પડછાયો પણ સાથ છોડતો રહ્યો"
કલમ લઇને જિંદગીભર જેને નોંધતો રહ્યો;
એ શબ્દો સંગ અનુભવોને હું જોડતો રહ્યો;
પોતાનાએ ને સમયે આપ્યા ઘાવ એક સાથે,
સમજી નસીબનો તકાજો બસ દોડતો રહ્યો;
હાથ ધર્યો હતો અમે એ આપે આજ તાળી,
હાથતાળી દૈ એ ચાલ્યાં હું હાથ ઘોળતો રહ્યો;
સ્વજનો અને દુશ્મનોની તો વાત શું કરૂં હવે?
ખૂદ પડછાયો પણ સાથ મારો છોડતો રહ્યો;
જિંદગીએ લગાડી છે કંઇક ઠોકરો એવી કે,
વાંક છે એમાં કોનો એ જ હું શોધતો રહ્યો;
બનશે મારા જીવનના ઘડતરનો પાયો "વ્યોમ"
નિકળી મારી કબર જે કાગળમાં દોરતો રહ્યો;
...© વિનોદ.મો.સોલંકી "વ્યોમ"
GETCO (GEB),
મુ. રાપર, રહે - આદિપુર (કચ્છ)