તારા હૈયાનો હાર છું યાર, ખુદ પર સજાવી લે મને,
તારા હ્રદયનું સ્પંદન છું હું,પોતાનો બનાવી લે મને...
લાગું જો રણનો ધોમધખતો,તો ચાલ બચીને મારાથી,
જો છું હું શિતળ છાયા સમો, તો લે આગોશમાં મને...
હું પ્રેમ છું,પાગલ છું,પ્રિયતમ છું,ને બુદ્ધુ પણ છું,
કોઇ પણ નામે સાદ પાડી, બોલાવી લે મને...
તેં જોયું જ નથી કંઇ દર્પણથી આગળ જઇ,
પોતાની જ ધૂનમાં રહેતી તું, ક્યાંક ખોઇ ના દે મને...
તારી "અનોખીપ્રિત"માં ગરકાવ થઇ ગયો "કમલ",
કોણ છે એવું અહિંયા? જે હવે શોધી શકશે મને....
અમૃત નો શોખ ક્યાં છે જ મને,હું તો પીઉં "હળાહળ",
શરત બસ એટલી, કે કોઇ બાહોંમાં સંભાળી લે મને...
#અનોખીપ્રિત ....
