આજ અમાસ પણ ખૂબ જ મોહક લાગે છે,
તારું મારી પાસે આવવું આવશ્યક લાગે છે.
તપતા અનુભવો પીધા છે અમે આ જગતના,
તુજ ખોળામાં માથું રાખું, મને ઠંડક લાગે છે.
મદિરા પણ સસ્તી થઈ ગઈ, જૂનું હતી છતાં,
આ તારી યુવાનીનો નશો ખૂબ માદક લાગે છે.
કિસ્સા મહોબતના વાંચવા ગમે છે દુનિયાને,
કરે જો કોઈ મહોબત તો જગને કંટક લાગે છે.
એ સામે આવ્યા અને મને બાહોમાં સમાવ્યો,
ઘણા હોશિયાર છે, આંખોના વાંચક લાગે છે.
ફરી ને એ જ મુલાકાત પર આવે છે આ કલમ,
તારા નામે લખવા અધિરી છે, ચાહક લાગે છે.
એ રીતે તમને ચાહ્યા છે અમે જીવનભર સનમ,
આપ દિલના દેવી ને 'મનોજ' ઉપાસક લાગે છે.
મનોજ સંતોકી માનસ
