એક અજ્ઞાત શેર પર ગઝલ લખવાનો પ્રયત્ન કર્યો છે
આશા રાખું છું કે સૌને ગમશે..."વ્યોમ"
સૌને એ ગમ્યું કે હું તો બધાયનું મન રાખું છું;
કોઈ ના સમજ્યું કે હું પણ એક મન રાખું છું...અજ્ઞાત
પોતાનાઓના હાથમાં જ મેં જોયા છે ખંજર,
એથી મિત્રો સાથે હું ખમતીધર દુશ્મન રાખું છું;
આંખોમાં રહે છે મારી સદા ખુમારીની લાલી,
છતાં દિલમાં લાગણીનું ખીલતું ચમન રાખું છું;
ચૂપકીદી ને મારી કદી કમજોરી ના સમજશો,
જરૂરત સમયે હું પણ છાતી છપ્પન રાખું છું;
મૃત્યુ એક જ સત્ય છે આ દુનિયામાં "વ્યોમ"
એટલે જ હું કાયમ માથે એક કફન રાખું છું;
...© વિનોદ.મો.સોલંકી "વ્યોમ"
GETCO (GEB)