હસું છું એકલો જો હું ,મજાની જાત પર મારી,
રડું છું એકલો જો હું , કઝા ની વાત પર મારી,
કરું છું હું ગુનાઓ જો,સદા બેહોશ થઈને જ્યાં,
ખરેખર હોંશમાં ક્યાં છું ,સજાની વાત પર મારી.
હું ચાહું જે તરત ત્યાં પામી શકુ છું ,ને છતાંપણ,
હું બેખબરી માં જીવું છું, ગજાની વાત પર મારી.
ગુલાબી છું વસંત તું જો,અહીં મહેકી રહ્યું જીવન,
હસે છે જો બધા અહિયાં , ફઝાની વાત પર મારી.
કૃપા દિલદારની પ્રેમાળ શરણે જો મળી ગઈ ત્યાં,
સદા આનંદ હાજર છે, રજા ની વાત પર મારી.
-મોહનભાઈ આનંદ
