શાયરી, શેર, ગઝલ, નઝમ ને કવિતા છે,
લાગણી, દર્દ, પ્રેમની શબ્દની સરિતા છે.
થાય પાંચજન્યનાદ કુરુક્ષેત્રના મેદાનમાં,
કર્મને જે કહે છે મહાન એ શ્રી ગીતા છે.
તખ્તા પર રહેલ ન આવે ધોબીની વાતમાં,
વનવાસમાં પુત્રને જન્મ આપતી સીતા છે.
હથિયાર સામે નથી ચાલતા અહિંસાપાઠ,
આંસુ અને હથિયારમાં, હથિયાર જીતા છે.
છે મહાન દેશની આ ભયાનક દશા આજ,
વિદેશી ચરણમાં પડ્યો વિશ્વ વિજેતા છે.
એ નેતા હવે નેતા નથી રહ્યા હવે "મનોજ",
કરે છે અનેક ખેલ એ, જાણે અભિનેતા છે.
©મનોજ સંતોકી માનસ
