શું કહું?
***
મળીને ન મળવાની તારી આ કોશિશને શું કહું?
પ્રીતની આ અધુરાશને શું કહું?
જીવનમાં સાથે રહી તડપને દિલમાં વસાવી,
તને રોજ જોઈ ન પામવાની આશને શું કહું?
શબ્દો વિચારીને લખાતી પંક્તિઓમાં,
વર્ણવાયેલી મારી લાગણીઓને શું કહું?
તારા નયનોથી મળેલા ઝખ્મોને જતાવી,
મલમની આશ રાખતા આ હૈયાને શું કહું?
વિચારોમાં કૈદ રહેલી યાદોને તારી,
આઝાદ કરવા મથતા આ દિલને શું કહું?
હાથ ઉઠાવે કલમ લાગણીઓને ઠાલવવા,
મન અને હાથના એ સંવાદને શું કહું?
મોડી રાત્રે ઉડી જતી નીંદરમાં આવેલા,
તારા એ હસીન સપનાઓને શું કહું?
તારા પાછા ન ફરવાના મળેલા સંદેશાને,
રોજ જોઈ છલકાતી આ આંખોને શું કહું?
***
ઈરફાન જુણેજા "ઇલ્હામ" ❣️
અમદાવાદ