હૈયે ભર્યું હોય રુદન
ને આંખો રહેતી હસતી,
આ તો આવડત છે એક
સમજદાર સ્ત્રીની!!!!!
હૈયે ભર્યું રુદન ને તોયે
બતાવે પોતાને કઠણ,
હોય રુદન હૈયામાં ને તોય
નિભાવે જવાબદારી રાખી
હ્રદય પર પત્થર, આ જ
તો છે ખૂબી એક પિતાની!
ઘડી હોય વ્હાલસોયી દીકરીનાં
વિદાયપ્રસંગની અને ચોધાર
આંસુએ રડે મા દિકરી, પણ
હૈયામાં હોય અફાટ રુદન, ને
છતાં એ મા દિકરીને હિંમત આપે
આ ઉપરથી કથણ હ્રદયનો પિતા!
ક્યારેક રડતી આંખો છેતરામણી
હોય ને ક્યારેક હસતો ચહેરો કરતો
હોય હૈયાફાટ રુદન!!!
ન ઓળખી શકે જો કોઈ
હાસ્ય પાછળનું રુદન અને
રુદન પાછળની પીડા તો
વ્યર્થ છે સંબંધ!!!!!
- સ્નેહલ જાની
