શું એક અંતિમ મુલાકાત શક્ય થશે!?
એક છેલ્લી વાર ફરી એ પ્રેમની કબૂલાત કરવી છે,
એક છેલ્લી વાર તારા હાથમાં હાથ નાખી ફરી લેવું છે,
એક છેલ્લી વાર તને મારો કહી લેવો છે....
શું એક અંતિમ મુલાકાત શક્ય થશે!?
તારા મારા સાથને એક વાર હજુ માણવો છે,
તારી મારી પ્રિત પર હજી એક વાર થોડો ઘમંડ કરવો છે,
તારા મારા પ્રેમનો દુનિયાને હજી એક વાર પરિચય કરાવવો છે.....
શું એક અંતિમ મુલાકાત શક્ય થશે!?
થોડી વાતો તને કહેવાની રહી ગઈ છે,
થોડું તારા ખભે માથું મૂકી રડવાનું રહી ગયું છે,
થોડો પ્રેમ વધારે તને કરવાનો રહી ગયો છે....
શું એક અંતિમ મુલાકાત શક્ય થશે!?
તને મારો કહેવા,
શું એક અંતિમ મુલાકાત શક્ય થશે!?
-PARL MEHTA
