फक्त तू... !!!
श्वास तू, ध्यास तू, विश्वास तू
माझ्या प्रिया, माझे प्राण तू ।।१।।
मनात तू, देहात तू, रोमरोमात तू
माझ्या प्रिया, माझे सर्वस्व तू ।।२।।
सखा तू, जीवलग तू, सहजीवन तू
माझ्या प्रिया, माझा आधार तू ।।३।।
माझे हसणे तू, लाजने तू, बहरणे तू
माझ्या प्रिया, माझा परमानंद तू ।।४।।
माझे सजणे तू, गालावरची खळी तू
माझ्या प्रिया, माझा साजशृंगार तू ।।५।।
माझी व्याकुळता तू, अधीर मन तू
माझ्या प्रिया, माझा विसावा तू ।।६।।
भास तू, आभास तू, स्वप्न तू
माझ्या प्रिया, जीवनाचे सत्य तू ।।७।।
दिवस तू, रात्र तू, चराचरात तू
माझ्या प्रिया, माझे विश्व तू ।।८।।
माझी पूजा तू, भक्ती तू, श्रद्धा तू,
माझ्या प्रिया, माझे पुण्य तू ।।९।।
माझे प्रेम तू, प्रीत तू, मनमीत तू
माझ्या प्रिया, मी तुझी अन् माझा फक्त तू ।।१०।।
-प्रियांका कुंभार
(टिप : या कवितेची संपूर्ण रचना, लेखनशैली तसेच कल्पनाशक्ती कु. प्रियांका कुंभार यांची असून , या कवितेचे सर्व अधिकार फक्त कु. प्रियांका कुंभार यांच्याकडे आहेत. कोणीही परवानगीशिवाय ही कविता ऑनलाईन किंवा इतर कुठल्याही ठिकाणी कॉपी, चोरी किंवा प्रकाशित करणार नाही याची सक्त नोंद घ्यावी. )
