યાદ ના વાદળ
મોસમ તો આવે અને જાય ભલે બધી...
તારી યાદ ના વાદળ આસપાસ છે...
તારી સંગત હું તો કાયમ ઝંખું
આ હૈયા મા તું કંઈક ખાસ છે
મોસમ તો આવે અને...
ઠરવું ગમે મને કડકડતી ટાઢ મા ને
હુંફાળી ઉષ્મા તું ખાસ છે
મોસમ તો આવે અને....
વાસંતી વાયરા ની ફરતી ફોરમ મહીં
મારી મહેંક તું ખાસ છે
મોસમ તો આવે અને....
ફરતા ફાગણીયા ના લહેરાતા રંગ મા
મારી ગુલાબી તું ખાસ છે
મોસમ તો આવે અને....
વૈશાખી વાયરા ની બળતી બપોર માં
ઝુલ્ફો ની છાયા તું ખાસ છે
મોસમ તો આવે અને...
ભીતર વરસતી આ ધોધમાર વર્ષા થી
નીતરતી હેલી તું ખાસ છે
મોસમ તો આવે અને...
શરદ ઋતુ ની અજવાળી રાતની
ઢોળાતી ચાંદની તું ખાસ છે
મોસમ તો આવે અને...
હૈયા માં વહેતી તું "કલ્પના" "બકુલ" ના
મારી ગઝલ તું ખાસ છે
મોસમ તો આવે અને જાય ભલે બધી...
તારી યાદ ના વાદળ આસપાસ છે...
-બકુલ ની કલમે...✍️
ગઝલ
27 માર્ચ 2021
06.29
