"તરસતી હૈ નિગાહે..."
તરસતી હૈ નિગાહે નામનું આ ગીત ઘણા દિવસથી મને સાંભળવા મળે છે.ઘણા લોકોનું તો આ ફેવરિટ સોંગ હશે. બરાબર ને...!! આંખ વિષયને કેન્દ્રમાં રાખીને ઘણા ગીતો,ગઝલો અને કવિતાઓ લખાઈ છે.ગીતોની વાત કરીએ તો આંખ પર લખાયેલા બધા ગીત હિટ જ થયા છે પછી એ, "તારી આંખોનો અફીણી" હોય કે, "નયનને બંધ રાખીને" હોય અથવા તો, "તેરે મસ્ત મસ્ત દો નેન" હોય.ટીક ટોકમાં પણ વચ્ચે તેરી પ્યારી પ્યારી દો અંખિયા નામનું ગીત ખૂબ ચાલ્યું હતું.
રાજેશ રેડ્ડી સાહેબનો એક શેર છે કે, "લેકીન હમારી આંખોને કુછ ઔર કહ દિયા , કુછ ઔર કહતે રહ ગયે અપની જુબાં સે હમ ।।" ખરેખર જે વાત શબ્દો દ્વારા નથી કહી શકાતી એ મુંગી આંખો એક પળમાં કહી જતી હોય છે.માણસ શબ્દોથી ખોટું બોલી શકે છે પણ આંખોથી ખોટું બોલવું લગભગ અશક્ય છે.એટલે જ આપણે આંખમાં આંખ નાખીને વાત કરતા ડરતા હોઈએ છીએ. કિશોર કુમાર સાહેબ તો પોતાના ગીતમાં ગાય પણ છે કે, "સાગર જેસી આંખો વાલી..." અહીં આંખોને દરિયા જેવી ગણાવી છે.દરિયો ઘણું બધું સમાવી લેતો હોય છે એમ ,"આંખ પણ વળી ક્યાં ઓછું સમાવે છે...!! સફર મુવીનું મને ખુબ ગમતું એક સોંગ છે , "જીવન સે ભરી તેરી આંખે મજબૂર કરે જીને કે લિયે."ઘણી આંખો એવી હોય છે જેને જોઈને આપણે થોડુંક વધારે જીવી જતા હોઈએ છીએ.
ગજબ કેહવાય ને કે, "બ્લેક એન્ડ વ્હાઇટ એવી નાનકડી આંખોમાં માણસ આખે આખી દુનિયાને સમાવી શકે છે." ઘણી બધી યાદો,ઘણા બધા દ્રશ્યો,સુખ ,દુઃખ,આંસુ,હરખ, વિરહ બધું જ માત્ર બે આંખોમાં આરામથી વસી જાય છે.બંધ આંખે સપના જોતો માણસ એ જ સપના પુરા કરવા કેટલીય રાતો જાગતો હોય છે.કહેવાને નાની અમથી આ આંખો કેટલાય મોટા મોટા સપના જોય લેતી હોય છે.જીવી લેતી હોય છે.ઘણી ક્ષણો કેમેરામાં કેદ નથી થઈ શકતી પણ યાદગાર એવી પળોને આ આંખ જિંદગીભર સાચવી રાખે છે. આપણે ઈચ્છીએ તો આ જ આંખોમાં કેટલીય રંગીન સુંદરતાને સમાવી શકીએ છીએ તો બીજી બાજુ ગુસ્સો અને નફરત પણ આ જ આંખોમાં સમાવી શકીએ છીએ.પેલું કેહવાય ને કે, દ્રષ્ટિ એવી સૃષ્ટિ. તો તમારે તમારી આંખોમાં કેટલું અને કેવું સમાવું છે એ તો હવે તમારે જ વિચારવું પડશે.
છેલ્લે દિલથી કહું તો એક ગીત યાદ આવે છે :
નિગાહો મેં દેખો મેરી
જો હૈ બસ ગયા
વો હે મિલતા તુમસે હુબહુ
જાને મેરી આંખે થી,
યા બાતેં થી વજહ...
- SHILPA PARMAR "SHILU"