માં
--------
સવારથી બસ રસોડામાં કામ કરે છે, કઈ બોલતી નથી,
કાલે રાત્રે નક્કી મોડે સુધી રાહ જોયેલી લાગે છે.
કાલે ઉમળકાભેર બધાની વાતો લઈને કેવી હરખાતી હતી,
કઈક પોતાની લાગણીઓમાં આજે ખોવાયેલી લાગે છે.
આખા ઘરમા બધાને હસાવતી, ધ્યાન રાખતી ને સમજાવતી,
પરાણે હસતી એની પાપણો હાસ્યમાં ધોયેલી લાગે છે.
ઘણીવાર વર્ષો સુધી રાહ જોઈને થાકેલી એ વાત્સલ્યમૂર્તિ,
કાલે પાછી વિયોગની ઘટના યાદ કરી રોયેલી લાગે છે.
- તેજસ
-Tejash B
