મારી નવી રચના " એ સમય પણ મારો જ હતો"
ઘરના એ સૌથી નાનકડા મગજમાં એક ભયંકર ભણકરો હતો,
સમયના એ ચાલતા ચક્રમાં આવેલા વિકટ સમયનો રણકરો હતો.
આવેલો એ અઘરો અને વિકટ સમય કણ કણમાં ખારો હતો,
પણ તેની સામે જોતા એક અનુભવ થયો કે આ સમય પણ મારો હતો.
તને પણ જોઈ લઈશું એવા ભાવ સાથે તે સમયને પણ અમારો આવકારો હતો,
લડી લઈશું આ સમયને યુદ્ધમાં એવો અમારા મગજમાં હુંકારો હતો.
બહુ થકાવતો અને બહુ ડરાવતો જાત જાતના ખેલ કરાવતો હતો,
પણ પછીતો હિંમતથી લડાતા જોઈ યુદ્ધમાં અમારાથી એ પણ ગભરાતો હતો.
અમને પણ આમ નીડર જોતા હવે વિકટ સમયને પણ સમયનો જાકારો હતો,
સરસ રમ્યા આ રમતને કહેતા હવે સમયની સાથે ઇશ્વરનો પણ અમને સહારો હતો.
ગુજરેલા એ વિકટ સમય પછી અમારા માટે હવે યોગ્ય સમયનો વારો હતો,
સમયની સામે ફરી જોતા અનુભવ થયો કે એ સમય પણ મારો મારો અને મારો જ હતો.
સમયની સામે ફરી જોતા અનુભવ થયો કે એ સમય પણ મારો મારો અને મારો જ હતો .
લી. અંકિત કે ત્રિવેદી