રમી રહ્યાં છે કોમળ કિરણ સૂર્યના,
ભરપૂર તાજગી ભરીને આંગણમાં.
પારિજાતની મીઠી મધુર સુંગધ સમી,
પ્રસરી રહી સર્વમાં અખૂટ પ્રસન્નતા.
મુક્ત વિહાર કરતાં ગગને સૌ વિહંગ,
મીઠાં મધુર ગીત ગણગણી રહયાં.
નિર્મળ વ્યોમને હળવું ધુમ્મસ ઘોળતું,
ડહોળાયો જાણે અજવાશ આકાશમાં.
ને ત્યારે સુષુપ્ત શમણાં થયાં જાગ્રત,
નવા નક્કોર શુભારંભ અર્થે જાણે.
અત્યંત કોલાહલ વચ્ચે પણ જાણે,
કોઈ ઢંઢોળે મારા આ સુષુપ્ત મનને.
✍...... ઉર્વશી. " આભા "
