તારા હર એક વિચારમાં
હાજર રેહવું છે મારે ,
પહોંચી તારા શ્વાસ સુધી
તને બાહોમાં ભરવી છે મારે...
ચાલને તું બની જાને
એક ક્ષણ માટે મારી રાધા ,
કેમ કે બનીને મોહન
આજે તને છેડવી છે મારે...
સંભાળીને રાખજે
તારા પ્રેમભર્યા હ્રદયને જરાક ,
આવીને પાસે તારી
સૂરજને ઉગતા રોકવો છે મારે...
શબ્દોનાં સહારે તારા
લખી છે મેઁ એક કવિતા આજે ,
પરવાનગી મળે જો તારી
તો તને કહી સંભળાવવી છે મારે...
બનીને પાયલ
તારા ચરણોમાં મેળવવું છે સ્થાન મારે ,
વરસે જો પ્રેમનો વરસાદ
તો સાથે તારી ભીંજાવું છે મારે...
અંજલિ ✍️
