કપાઈ ગયો
ઉંચે ઉડ્યો હતો બઉજ
ગોથા પણ એ મારતો,
બીજાને અડપલા કરી
ઘણા લોચા એ મારતો,
કપાઈ ગયો પતંગ એ ઉંચાઇથી
જે હંમેશ સૌને ઠપકાઓ મારતો...
ઘણો ઉંચે જતો એ
થોડી ઢીલ પણ એ ના દેતો,
હંમેશ બીજાને હરાવવા
એ ખેંચમ્-તાણી સીધી કરતો,
કપાઈ ગયો પતંગ એ એની ખેંચમ્-તાણથી
જે ખેંચમ્-તાણમાં ખુદનો દોર ગુંચવી દેતો...
જનમો જનમ ના તુટે એવો
મજબુત દોરનો સાથ લીધો તો,
ઘણુંય ઉંચે ઉડવા માટે
એ સુતરનો સહારો લીધો તો,
કપાઈ ગયો એ પતંગ વધું ઉંચાઈ મેળવતા
જે ઉંચાઈ મેળવવા હોડ સૌની હંમેશ કરતો તો...
- સંકેત વ્યાસ (ઈશારો)
રાલીસણા, વિસનગર
