સાંજ પડેને વાટમાં તારી
નજર બારણેથી હટતી નથી ,
ક્યારે આવશેની આશમાં હવે
આંખોય પલકારા મારતી નથી.
માયા લગાડી પ્રીતની મને
કેમ હવે તું દેખાતો નથી ?
ઓઢીને ચાદર દુઃખની હવે
માર્ગ ખુશીનો મને દેખાતો નથી.
ઓટલે બેસી યાદમાં તારી
હૈયું મારું ક્યાય લાગતું નથી ,
રિસાયો હોય એમ જાણે
સમય પણ આગળ જાતો નથી.
કરવી તો છે વાતો ઘણીય
પણ એકલીને મન થાતું નથી ,
મળે છે દિલને સુકૂન જેમાં
એ પ્રેમની ઝલક કેમ જોવાતી નથી ?
મોકલું પવનસંગ સંદેશો મારો
તોય કોઈ ઈશારો મળતો નથી ,
થાકીને બેઠી આ પ્રિયેથી હવે
વિરહની અગ્નિ સહન થાતી નથી.
✍️અંજલિ..