•છૂટ છે તને..!
એકાંત માં એકાદ-બે પળ હું ચાહું શ્વાસો બધાજ તારા છે લૂટવાની છૂટ છે તને..,
એક અરસાથી આમ તો ભૂલી નથી શકતો એ નામનો કક્કો ઘૂટવાની છૂટ છે તને..!
ફકત અંધારું સહિયારું સાંપડ્યું છે મને આકાશે તારાઓ ચૂંટવાની છૂટ છે તને..,
મધદરિયે લાગણીઓની છતાંય તરસ લાગી છે ઝાકળ જેમ ખૂટવાની છૂટ છે તને..!
સાચ્ચું કઉં તો આગ સરીખું જીવતર જાય છે જ્વાળામાંથી ઉઠવાની છૂટ છે તને..,
ક્યારેક હું સાવ એકલો હોઉં છું સતત ત્યારે અજવાળાં પૂરવાની છૂટ છે તને..!
કંઈક વર્ષોથી જામી છે ધૂળ એક સંભારણા પર છબીમાંથી ફૂટવાની છૂટ છે તને..,
હું ખુશ છું ખરેખર હું ખુશ છું..?! જીવતી લાશ છું ને છાતી કુટવાની છૂટ છે તને..!
આમ તો હું મનાવી જ લઈશ છતાંય જો ઈચ્છે તો મારાથી રુઠવાની છૂટ છે તને..,
'ઘા' તો ઘણા સહન કરી ગયો "કાફિયા" આવ અંગતમાં તૂટવાની છૂટ છે તને..!
#TheUntoldકાફિયા
#roughnote #random
insta @kafiiya_
