સૃષ્ટીનું કણ-કણ આજ પ્રિત -પ્રિત છે,
નોખું કે અનોખું,અહિંયા બધું પ્રિત-પ્રિત છે...
જ્યારથી જોઇ મેં મસ્ત મલકાતી શમણાંમાં,
ત્યારથી આ મનનું મકાન પ્રિત -પ્રિત છે...
એટલે જ તો નથી કોઇ સમજી શકતું મને,
કે સાહેબ આ દિલની લીપી જ પ્રિત-પ્રિત છે...
એકલતામાં વિહરતી રહી જે રાતો ની રાતો,
પ્રતિક્ષામાં પડેલી એ પગલીઓ પ્રિત-પ્રિત છે...
કરે "કમલ" કેમ કરી,વર્ણન એ "અનોખીપ્રિત"નું,
જેની "ના" પણ જાણે ભારોભાર પ્રિત -પ્રિત છે...
