#નવરાત્રિ
#navratri
#kavyotsav
#નવરાત્રી
જરા,બાલ્યા હો કે ભલે હો જવાની
સદા સર્વદા સાથ દે મા ભવાની
જલાવું છું હું ધૂપ પ્રગટાવું દીપક
શરણ એક તારું તું જીવનનું શીર્ષક
લઈ એકતારો ભજું છું મૃડાની
સદા સર્વદા સાથ દે મા ભવાની
હવન, પૂજા, વંદન ન કરવાનું જાણું
હાં, હૈયૈ ગવાતું તુજ આરતીનું ગાણું
તું એક જ સહારો નમું છું ઈશાની
સદા સર્વદા સાથ દે મા ભવાની
તમસ પાપ કેરાં હરી લે ઓ માતા
દે પુણ્યજ્યોતિ, દે ચિતડાને શાતા
નમન કોટિ કોટિ કરું છું શિવાની
સદા સર્વદા સાથ દે મા ભવાની
- ડૉ. રંજન જોષી
