આવ્યાં છે માતાજીના નવલાં નોરતાં;
કરીએ પુરા માતાજીની પુજાના ઓરતાં;
પહેલે નોરતે મા શૈલપુત્રી આવતાં;
નવા નવા રૂપે સૌને ગરબે ઘુમાવતાં;
બિજે નોરતે મા બ્રહ્મચારિણી પધારતાં;
હર્ષ, ખુશી થી માતાજીને વધાવતાં;
ત્રીજે નોરતે મા શ્રી ચંદ્રઘંટા પુજાય;
ઢોલીડાના તાલે મા નાં ગરબા રમાય;
ચોથે નોરતે થાય મા કુષ્માંડાની આરતી;
ગરબા માં ખેલૈયાઓનો ઉત્સાહ વધારતી;
પાંચમા નોરતે શ્રી સ્કંદમાતા પુજાતાં;
કરે સૌ માની આરતી વાજતાં ગાજતાં;
છઠ્ઠે નોરતે મા શ્રી કાત્યાયની દેવી આવતાં;
ઢોલ નગારે માતાજીના ગરબા રે ગવાતા;
સાતમે નોરતે થાય મા કાલરાત્રિનું પુજન;
નવા નવા ગરબાઓનું થાય બધે ગુંજન;
આઠમે નોરતે થાય મા મહાગૌરીનું આગમન;
રંગબેરંગી દીવડા થી ઝગમગી ઉઠે આસમાન;
નવમે નોરતે પુજાતાં મા શ્રી સિદ્ધિદાત્રી;
આનંદ મંગળ માં થઈ જાય પુર્ણ નવરાત્રિ;
