✅✅
હૈયે આજે
ખુબ અકળામણ થઈ,
અચાનક
બારી ઉપર નજર ગઇ.
એક ચકલીને
આનંદથી
ચિચિયારી કરતાં જોઈ.
અદેખાઈ થઈ
મને તેને આનંદિત જોઈ,
અનાયાસે જ
તેને વાત પૂછાઇ ગઇ.
કેવી રીતે
આટલી આનંદિત રહી શકે તું,
સદીઓથી
ફક્ત ચોખાની ચણ લઈ ?
વાત સાંભળી મારી,
એને મનુષ્યની વાચા થઈ.
રે ભલા આદમી,
બુદ્ધિ તો તને
અમારા કરતાં
અનેક ઘણી મળી ગઇ
પણ ઇચ્છાઓની
વણઝાર લગાવી તેં,
તેમાં તારી ખુશી રોળાઈ ગઇ.
મળ્યુ જે,
એ મોજથી માણી લે,
ભેગું કરવાની ઇચ્છા તજી દે.
સંતોષની
મૂડી તું સાચવી રાખ,
દેખા દેખીમાં ન ખોઇ દે.
હૈયાની
અકળામણ ઓછી કરી,
એ
નાની સી ચકલી,
આર્ટ ઓફ
લિવિંગ શીખવાડી ગઇ.
👏🏻👏🏻👏🏻👏🏻👏🏻👏🏻👏🏻