ભાગમાં

શિખરો શર કરવાની ઈચ્છા ઓ સળવળતી રહી
ધ્યાન કેન્દ્રિત પથ્થરો પર રહ્યું
કાંકરી ની અડચણ આવી ગઈ મારા ભાગમાં.

વહેતા વહેણ માં વહી રહેલા દિવસ-રાતની
ઘટમાળ ને વાંચી શકવાની વેળા ના આવી
તારીખના પાના ફાડવાના આવ્યા છે મારા ભાગમાં.

મનના કમાડો વાસી દીધા તા અક્બંધ
બારી ઓ પણ રાખી તી સજ્જડ બંધ
તિરાડો ખુલ્લી થઈ ગઈ છે મારા ભાગમાં.

સોબત તેવી અસર સાચી ઠરી
મંથરા કેરી વાતને હૃદયમાં ધરી
કોપભવન છે કૈકેયી તારા ભાગમાં.

શ્વાસના ઘોડાઓને રથ સાથે જોડયા
હંકારવા હૃદયને સારથી બનાવ્યુ
જિંદગી, યુદ્ધ લડવાનું છે તારા ભાગમાં.

ઉર્વશી એચ ત્રિવેદી

Gujarati Poem by Urvashi Trivedi : 111592511

The best sellers write on Matrubharti, do you?

Start Writing Now